Futbol bo‘yicha klublar o‘rtasidagi Jahon chempionatining uchinchi o‘rini uchun “Al-Ahli” va “Palmeyras” jamoalari 11-fevral, payshanba kuni o‘zaro bahs yuritdi.
Uchrashuvning asosiy vaqtida hisob ochilmadi. Qo‘shimcha bo‘limlarda ham gol bo‘lmagach, penaltilar seriyasiga murojaat qilindi.
Unda Misr klubi 3:2 hisobida ustun kelib, musobaqaning bronza medallariga ega chiqdi.
Shu tariqa Libertadores Kubogining amaldagi sohibi — “Palmeyras” musobaqada birorta ham gol ura olmay 4-o‘rinni egalladi.
Yarim finalda “Al-Ahli” “Bavariya”ga mag‘lub bo‘lgan (0:2), “Palmeyras” esa Meksikaning “Tigres”iga yengilgandi (0:1).
Klublar o‘rtasidagi JCh—2020
3-o‘rin uchun bahs
11-fevral, payshanba
“Al-Ahli” Misr — “Palmeyras” Braziliya 0:0
Penaltilar seriyasi — 3:2“Al-Ahli”: Ash-Shenavi, Ashraf, Banun, al-Hanafi, Fathi, Amr as-Sulaya, Mustafa (Muhsen, 75), Magdi Kafsha (Sherif, 58), Hani, Tavfiq (Dieng, 76), Bualya (Ajayi, 58).
“Palmeyras”: Ueverton, Mayke, Luan, Gomes, Vinya, Rafael Veyga (Skarpa, 81), Patrik de Paula (Danilo, 81), Melo, Luis Adriano, Roni, Villian (Gabriel Menino, 81).
Ogohlantirishlar: Ueverton (27), Villian (45), Patrik de Paula (69).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)