Футбол бўйича клублар ўртасидаги Жаҳон чемпионатининг учинчи ўрини учун «Ал-Аҳли» ва «Палмейрас» жамоалари 11 февраль, пайшанба куни ўзаро баҳс юритди.
Учрашувнинг асосий вақтида ҳисоб очилмади. Қўшимча бўлимларда ҳам гол бўлмагач, пенальтилар сериясига мурожаат қилинди.
Унда Миср клуби 3:2 ҳисобида устун келиб, мусобақанинг бронза медалларига эга чиқди.
Шу тариқа Либертадорес Кубогининг амалдаги соҳиби — «Палмейрас» мусобақада бирорта ҳам гол ура олмай 4-ўринни эгаллади.
Ярим финалда «Ал-Аҳли» «Бавария»га мағлуб бўлган (0:2), «Палмейрас» эса Мексиканинг «Тигрес»ига енгилганди (0:1).
Клублар ўртасидаги ЖЧ—2020
3-ўрин учун баҳс
11 февраль, пайшанба
«Ал-Аҳли» Миср — «Палмейрас» Бразилия 0:0
Пенальтилар серияси — 3:2«Ал-Аҳли»: Аш-Шенави, Ашраф, Банун, ал-Ҳанафи, Фатҳи, Амр ас-Сулая, Мустафа (Муҳсен, 75), Магди Кафша (Шериф, 58), Ҳани, Тавфиқ (Диэнг, 76), Буаля (Ажайи, 58).
«Палмейрас»: Уэвертон, Майке, Луан, Гомес, Виня, Рафаэл Вейга (Скарпа, 81), Патрик де Паула (Данило, 81), Мело, Луис Адриано, Рони, Виллиан (Габриэль Менино, 81).
Огоҳлантиришлар: Уэвертон (27), Виллиан (45), Патрик де Паула (69).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)