Futbol bo‘yicha O‘zbekiston terma jamoasi JCh—2022 va Osiyo Kubogi—2023 qo‘shma saralashi doirasidagi o‘yinlarga tayyorgarlik ko‘rish maqsadida BAAda yig‘inida ishtirok etmoqda.
Vadim Abramov qo‘l ostidagi jamoa 8—18-fevral kunlari Dubayda o‘quv-mashg‘ulot yig‘ini o‘tkazadi. Unda terma jamoa uchta nazorat uchrashuv o‘tkazadi.
O‘zbekiston terma jamoasi Iordaniya termasi, shuningdek, “Zenit” va “Shaxtyor Soligorsk” klublari bilan o‘ynaydi.
“Zenit”ga qarshi bahs 12-fevral kuni Toshkent vaqti bilan 11:30 da boshlanadi. Keyingi uchrashuv 15 va 17-fevral kunlari bo‘lib o‘tadi.
Abramov yig‘inga 25 nafar futbolchini jalb qilgandi. Undan asosan mahalliy klublarda to‘p suruvchi o‘yinchilar o‘rin oldi. Avvalroq yig‘inga jalb etilgan Odil Ahmedov “Tyanszin Teda” chaqiruvidan keyin Xitoyga uchib ketgan. Uning o‘rnini Temurxo‘ja Abduxoliqov egalladi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)