Polshaning amaldagi chempioni “Legiya” safida o‘zbekistonlik futbolchi paydo bo‘lishi mumkin.
Varshavaliklar matbuot xizmati klub rasmiy Twitter sahifasiga transfer heshtegi ostida O‘zbekiston xaritasi suratini joylashtirdi.
https://twitter.com/LegiaWarszawa/status/1359879875725651973
Avvalroq “Championat.asia” Polshaning amaldagi chempioni “Shaxtyor Soligorsk” hujumchisi Jasur Yaxshiboyevga qiziqish bildirayotgani haqida xabar qilgandi.
Ma’lumot uchun, Yaxshiboyev 2020-yilgi mavsumni Belarusning “Energetik-BGU” jamoasida boshladi. Minskliklar safidagi bir davrada 14 o‘yin o‘tkazib, 9 gol va uchta golli uzatma amalga oshirgan Jasur yozda “Shaxtyor” safiga borib qo‘shildi. Mavsum yakunida Yaxshiboyev soligorskliklar safida Belarus chempioniga aylandi.
“Legiya” Polsha chempionatining 2020/21-yilgi mavsumida 16-turdan keyin 32 ochko to‘plagan holda ikkinchi o‘rinda bormoqda.
Jamoa Chempionlar Ligasi 2020/21-yilgi mavsumi saralash bosqichida “Omoniya”ga yutqazib, musobaqani tark etgan. Shuningdek, Varshava klubi Yevropa Ligasi guruh bosqichiga yo‘llanma beruvchi pley-off o‘yinida “Qorabog‘”ga mag‘lub bo‘lib, Yevrokuboklarsiz qolgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)