“Manchester Siti” Angliya Kubogi 1/8 finali doirasida 10-fevral kuni “Suonsi”ni mag‘lubiyatga uchratdi (3:1).
Bu “shaharliklar” uchun barcha musobaqalar doirasida qo‘lga kiritilgan ketma-ket 15-g‘alaba bo‘ldi. Shu tariqa Pep Gvardiola shogirdlari Angliya oliy divizioni klublari uchun rekord natijani qayd etdi.
Mazkur g‘alabali seriya davomida “Manchester Siti” 40 ta gol urdi va beshta to‘p o‘tkazib yubordi. Jamoa o‘yinlarning o‘ntasida o‘z darvozasi daxlsizligini saqlab qoldi.
“Manchester Siti” keyingi o‘yinni 13-fevral kuni Premyer Liga doirasida “Tottenhem”ga qarshi o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)