«Манчестер Сити» Англия Кубоги 1/8 финали доирасида 10 февраль куни «Суонси»ни мағлубиятга учратди (3:1).
Бу «шаҳарликлар» учун барча мусобақалар доирасида қўлга киритилган кетма-кет 15-ғалаба бўлди. Шу тариқа Пеп Гвардиола шогирдлари Англия олий дивизиони клублари учун рекорд натижани қайд этди.
Мазкур ғалабали серия давомида «Манчестер Сити» 40 та гол урди ва бешта тўп ўтказиб юборди. Жамоа ўйинларнинг ўнтасида ўз дарвозаси дахлсизлигини сақлаб қолди.
«Манчестер Сити» кейинги ўйинни 13 февраль куни Премьер Лига доирасида «Тоттенҳэм»га қарши ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)