Birlashgan Arab Amirliklari (BAA)ning Al Amal (“Umid”) sayyoralararo stansiyasi 500 million kilometrlik masofani bosib o‘tib, Mars orbitasiga chiqishga muvaffaq bo‘ldi. Bu haqda BAA kosmik agentligi xabar qilgan.
Marsga uchib borishda kosmik apparatning to‘xtash dvigatellari yoqilgan holatda bo‘lgan va ularning ishi 27 daqiqa davom etgan. Ushbu tizim soatiga 121 ming kilometr tezlikni 18 ming kilometr/soatgacha tushirish hamda vaznsizlik hududiga kirib olish va u yerda qolishga yordam bergan.
Stansiya 20-iyulda parvozni boshlagan va Yaponiyaning Tanegasima kosmik markazidagi H-IIA raketa tayanch yetkazgichidan uchirilgandi.
Marsning elliptik orbitasida, 40 ming kilometr balandlikda harakatlanadigan apparat sayyora ob-havosini tahlil qilish maqsadida atmosferaning quyi qatlamlari va iqlimini o‘rganadi. Qurilma uchta kameraga ega va ular vositasida infraqizil hamda ultrabinafsha diapazonlarda atmosferadagi o‘zgarishlarni kuzatadi.
Al Amal il bora Marsdagi atmosferaning to‘liq tasvirini yaratish imkonini beradi. Kosmik stansiyaning kuzatuvlari ob-havoning global xaritasini yaratishda muhim ahamiyatga ega. Asosiy maqsad Mars iqlimini belgilaydigan kuchlarni aniqlashdan iborat. Missiya, taxminan, ikki yil davom etadi.
BAA maxsus kosmik apparati Marsgacha yetib borgan dunyodagi beshinchi mamlakatga aylandi.Marsga uchgan eng birinchi arab sayyoralararo stansiyasining missiyasi, taxminan, 200 million AQSh dollariga baholangan va ushbu tadqiqotlar BAA tashkil qilinganining 50 yilligiga bag‘ishlanadi.
Izoh (0)