Бирлашган Араб Амирликлари (БАА)нинг Al Amal («Умид») сайёралараро станцияси 500 миллион километрлик масофани босиб ўтиб, Марс орбитасига чиқишга муваффақ бўлди. Бу ҳақда БАА космик агентлиги хабар қилган.
Марсга учиб боришда космик аппаратнинг тўхташ двигателлари ёқилган ҳолатда бўлган ва уларнинг иши 27 дақиқа давом этган. Ушбу тизим соатига 121 минг километр тезликни 18 минг километр/соатгача тушириш ҳамда вазнсизлик ҳудудига кириб олиш ва у ерда қолишга ёрдам берган.
Станция 20 июлда парвозни бошлаган ва Япониянинг Танегасима космик марказидаги H-IIA ракета таянч етказгичидан учирилганди.
Марснинг эллиптик орбитасида, 40 минг километр баландликда ҳаракатланадиган аппарат сайёра об-ҳавосини таҳлил қилиш мақсадида атмосферанинг қуйи қатламлари ва иқлимини ўрганади. Қурилма учта камерага эга ва улар воситасида инфрақизил ҳамда ультрабинафша диапазонларда атмосферадаги ўзгаришларни кузатади.
Al Amal ил бора Марсдаги атмосферанинг тўлиқ тасвирини яратиш имконини беради. Космик станциянинг кузатувлари об-ҳавонинг глобал харитасини яратишда муҳим аҳамиятга эга. Асосий мақсад Марс иқлимини белгилайдиган кучларни аниқлашдан иборат. Миссия, тахминан, икки йил давом этади.
БАА махсус космик аппарати Марсгача етиб борган дунёдаги бешинчи мамлакатга айланди.Марсга учган энг биринчи араб сайёралараро станциясининг миссияси, тахминан, 200 миллион АҚШ долларига баҳоланган ва ушбу тадқиқотлар БАА ташкил қилинганининг 50 йиллигига бағишланади.
Изоҳ (0)