Bloomberg butun dunyoda hayot qachon normal holatga qaytishini hisoblab chiqdi. Hisob-kitoblar uchun vaksinalar hajmi asos qilib olindi, chunki ilmiy jamoatchilik fikriga ko‘ra, pandemiyani yengish uchun dunyo aholisining 70—85 foizi emlanishi kerak, deb yozmoqda Spot.
Hisob-kitoblar o‘zgarishi mumkin, chunki ayrim mamlakatlar virusni tezroq yengadi, deydi tahlilchilar. Masalan, dunyodagi emlash darajasi eng yuqori bo‘lgan Isroilda emlanganlar soni bor-yo‘g‘i ikki oy ichida 75 foizni tashkil qiladi. AQShda esa mazkur ko‘rsatkich 2022-yilga kelibgina 75 foizga yetadi.
“Vaksinatsiya dunyoning qolgan qismiga qaraganda boyroq bo‘lgan G‘arb mamlakatlarida tezroq amalga oshirilayotganligi sababli emlash hozirgi sur’at bo‘yicha yetti yil davom etadi”, — deya xulosa qildi agentlik.
Emlash qanchalik tez amalga oshirilsa, ushbu muddat shuncha tez kamayadi. Ehtimol, bu ertaroq sodir bo‘lishi mumkin, chunki hozirgi sur’at bilan Kanadada vaksinatsiya, taxminan, 10 yil davom etadi, ammo hukumat bu qadar uzoq kutishni niyat qilmasdan, faol ravishda boshqa choralarni qidirmoqda.
Vaksinalar sonining ko‘payishi bilan emlash sur’ati keskin o‘zgarishi mumkin. Masalan, Hindiston va Meksikada bir qancha yirik vaksina ishlab chiqarish markazlari endigina ish boshlamoqda. 2021-yil fevral holatiga ko‘ra, dunyo mamlakatlarining atigi uchdan bir qismida vaksinatsiya boshlangan.
Nima uchun hammani emlash kerak?
Bir nechta odam emlangan taqdrida, virus nazoratsiz ravishda tarqalishni davom ettirishi mumkin. Qancha ko‘p odam emlansa, jamoaviy himoya kuchayadi — infeksiyaning individual uchqunlari yonib ketadi va epidemiyaga aylanmaydi. Ushbu tushuncha “jamoaviy immunitet” deb nomlanadi.
Avvalroq qanday ob-havo koronavirus tarqalishiga yo‘l qo‘ymasligi ma’lum qilingandi.
Undan avval olimlar iqlim o‘zgarishi va COVID-19 kelib chiqishi o‘rtasidagi bog‘liqlikni aniqlagan. Unga ko‘ra, iqlim o‘zgarishi natijasida ma’lum bir mintaqada ko‘rshapalak turlari sonining ko‘payishi o‘sha yerda zararli koronavirusning paydo bo‘lish, yoyilish yoki rivojlanish ehtimolini oshirishi mumkin.
Izoh (0)