Bugun,

  • USD 11095.31
  • RUB 173.84
  • EUR 10772.44

Farg‘ona viloyatining Bag‘dod, Yozyovon va O‘zbekiston tumani hokimlari o‘zgardi. Bu haqda “Daryo” muxbiri Azizjon Ermatov xabar berdi.

Foto: “Daryo”

Ta’kidlanishicha, 6-fevral kuni viloyat hokimi Xayrullo Bozorov rahbarligida bo‘lib o‘tgan xalq deputatlari Bag‘dod tuman Kengashining navbatdan tashqari 21-sessiyasida tuman hokimi vazifasini bajarib kelgan Alibek Tursunov boshqa ishga o‘tishi munosabati bilan lavozimidan ozod etilgan.

Ayni vaqtga qadar viloyat moliya boshqarmasi boshlig‘i lavozimida faoliyat yuritgan Vosil Nazarov Bag‘dod tumani hokimi etib tayinlangan.

Vosil Nazarov.

Vosil Nazarov.
Foto: “Daryo”

Shuningdek, bugun xalq deputatlari O‘zbekiston tumani Kengashining navbatdan tashqari sessiyasi bo‘lib o‘tgan.

Sessiyada tashkiliy masala ko‘rilib, shu kunga qadar Farg‘ona shahar hokimining iqtisodiyot va tadbirkorlik masalalari bo‘yicha o‘rinbosari vazifasida ishlab kelgan Sherzod Yo‘ldoshev O‘zbekiston tumani hokimi lavozimiga tasdiqlangan.

Sherzod Yo‘ldoshev.

Sherzod Yo‘ldoshev.
Foto: “Daryo”

Farg‘ona viloyati hokimi Xayrullo Bozorov Yozyovon tuman Kengashining navbatdan tashqari sessiyasida ham ishtirok etib, Dilshod Jalilovni tuman hokimi sifatida tanishtirgan.

Dilshod Jalilov.

Dilshod Jalilov.
Foto: “Daryo”

Dilshod Jalilov 1980-yilda Farg‘ona shahrida tug‘ilgan bo‘lib, 2001-yilda Farg‘ona politexnika institutini tamomlagan. 2002—2015-yillarda “Farg‘ona hududiy elektr tarmoqlari korxonasi”da turli lavozimlarda ishlagan. 2016-yil 16-may kunidan “Farg‘ona hududiy elektr tarmoqlari korxonasi” AJ bosh direktori lavozimida faoliyat yuritgan.

2021-yil 5-fevral kuni Prezident Shavkat Mirziyoyev ishtirokida bo‘lib o‘tgan xalq deputatlari Farg‘ona viloyati Kengashining navbatdan tashqari sessiyasida O‘zbekiston tumani hokimi vazifasida ishlab kelayotgan Qahramon Jo‘rayev hamda tuman prokurori Mirvohid Otaboyev lavozimidan ozod qilingani to‘g‘risida xabar berilgandi.

Izoh
Asosiy yangiliklar
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi