Саиджамол Султонов Бектемир тумани ҳокими этиб тайинланди, деб хабар бермоқда Тошкент шаҳар ҳокимлиги матбуот хизмати.
Тайинловга қадар у 2018 йилдан буён Ўзбекистон Савдо-саноат палатаси Тошкент шаҳар ҳудудий бошқармаси бошлиғи бўлиб ишлаган.
Бектемир тумани ҳокими вазифасида ишлаб келган Жаҳонгир Иброҳимов 2021 йилнинг 15 январида Юнусобод туманига ҳоким этиб тайинланганди. Шундан буён ушбу лавозим вакант бўлиб қолаётганди.
Саиджамол Султонов 1980 йилда Тошкент шаҳрида туғилган. 2002 йилда Тошкент Молия институтини тамомлаган.
Аввалроқ Шуҳрат Абдураҳмоновнинг собиқ биринчи ўринбосари Андижон туманига ҳоким этиб тайинлангани, Фарғона вилоятининг Бағдод, Ёзёвон ҳамда Ўзбекистон тумани ҳокимлари ўзгаргани ҳақида хабар берилган эди.
Изоҳ (0)