Tesla va SpaceX kompaniyalari rahbari Ilon Maskning boyligi bir hafta ichida kompaniyalar aksiyalarining qimmatlashuvi fonida 11,5 milliard dollarga o‘sdi, deb yozadi “RBK” Forbes’ga tayanib. Tesla aksiyalari bir haftada 7,4 foizga qimmatlashdi.

Foto: Getty Images

Google asoschilari Sergey Brin va Larri Peyj esa Google tegishli bo‘lgan Alphabet kompaniyasi aksiyalari narxi shu hafta 14 foizga oshishi natijasida tegishli ravishda 10,4 milliard va 10 milliard dollar ishlab topdi.

Dunyoning eng badavlat odami Amazon kompaniyasi asoschisi Jeff Bezosning boyligi bir hafta ichida 7,7 milliard dollarga ko‘paydi. Amazon aksiyalari 4,6 foizga qimmatlashdi.

Xitoyning Pinduoduo platformasi asoschisi Kolin Chjen Xuan shu hafta 10,7 milliard dollarga boyidi, bunga platforma aksiyalari narxi 18 foizga o‘sgani sabab bo‘ldi.

Eslatib o‘tamiz, Amazon asoschisi Jeff Bezos 2021-yilning uchinchi choragida kompaniya bosh direktorligi lavozimidan ketishi va direktorlar kengashining ijrochi raisi bo‘lishi haqida xabar berilgan edi. Uning o‘rnini 1997-yildan beri Amazon’da ishlab kelayotgan va Amazon Web Services’ni boshqaradigan Endi Jessi egallaydi.

Mavzuga doir: