Seul hukumati uy hayvonlaridan koronavirusga qarshi test olishni boshlaydi. Bu haqda Yonhap internet nashriga tayanib Tengrinews xabar berdi.
Mamlakat janubidagi Chinju shahrida uy mushugining koronavirus bilan zararlangani aniqlanganidan so‘ng uy hayvonlaridan koronavirusga qarshi test olish hukumat tomonidan ma’qullandi.
Faqat isitma, aksirish va nafas qisilishi kabi alomatlari bo‘lgan hayvonlar test topshirishi mumkin. Testdan o‘tkazish veterinar boshchiligidagi mobil guruh tomonidan olib boriladi. Uy hayvonida koronavirus aniqlangan holda egasining yashash joyiga qarab, 14 kunga izolyatsiyaga olinadi.
Seul karantin nazorati ofitseri Pak Yu Mining so‘zlariga ko‘ra, izolyatsiya uchun maxsus joylar berilmaydi, chunki kasallik odamlarga uy hayvonlaridan yuqishi holatlari tasdiqlanmagan. Lekin hayvon egalarining o‘zlari kasal bo‘lsa va ularga g‘amxo‘rlik qila olmasa, uy hayvonlari maxsus joyga ko‘chiriladi.
Janubiy Koreya hukumati 2020-yil 24-noyabrdan boshlab poytaxt mintaqasi va boshqa bir nechta joylarda ijtimoiy masofa choralarini kuchaytirgan edi. Mamlakatdagi koronavirusning uchinchi to‘lqini tufayli ijtimoiy masofa darajasi ikkinchi bosqichga ko‘tarildi.
Izoh (0)