Germaniyada tinimsiz yomg‘ir yog‘ishi va qor erishi Reyn daryosining toshishiga sabab bo‘ldi. Bu haqda “Interfaks” xabar bergan.
Xabarga ko‘ra, toshqin tufayli Germaniyaning g‘arbiy qismidagi kichik Ris-Griterort shahri mamlakatning katta yeridan uzilib qoldi. Unga olib boruvchi yagona yo‘l suv bilan qoplangan. Ammo bu kabi holatlar mintaqada tez-tez uchrab turadi, shuning uchun mahalliy aholi kuniga bir necha marotaba o‘t o‘chiruvchilarning qayiqlarida ko‘chirish ishlari tashkil qilinadi.
Mutaxassislarning ta’kidlashicha, yomg‘ir yog‘ishda davom etmoqda va Germaniyada yangi toshqinlar yuzaga kelishi mumkin, shuning uchun hafta oxirida bu boradagi vaziyat yaxshilanmasligi mumkin.
Reyn daryosining Kelna hududidan o‘tuvchi qismida harakatlanish allaqachon to‘xtatilgan. Biroq hududda suv sathi juda baland emas, kemalar ko‘priklar ostidan bemalol o‘ta oladi. Germaniyaning janubiy qismlari ham toshqin xavfidan ogohlantirilgan.
Avvalroq olimlar iqlim o‘zgarishi sabab okeanlarda suv sathi kutilganidan ancha tez ko‘tarilayotganini ma’lum qilgandi. Suv sathi ko‘tarilishining oqibatlari qirg‘oqlarda yoki past tekisliklarda yashovchi dunyo aholisining uchdan ikki qismiga tahdid soladi.
BMT bosh kotibi Antoniu Guterrish iqlim o‘zgarishi oqibatida oxirgi 10 yil ichida butun dunyoda 410 mingdan ziyod aholi tabiiy ofatlar qurboni bo‘lganini ma’lum qilgan.
Grenlandiyada esa eng katta muzlik bo‘laklarga bo‘linib ketgan. Olimlarning so‘zlariga ko‘ra, bu muz bo‘lagining ajralishi iqlim o‘zgarishi juda tez yuz berayotganidan darak beradi.
Izoh (0)