Германияда тинимсиз ёмғир ёғиши ва қор эриши Рейн дарёсининг тошишига сабаб бўлди. Бу ҳақда «Интерфакс» хабар берган.
Хабарга кўра, тошқин туфайли Германиянинг ғарбий қисмидаги кичик Рис-Гритерорт шаҳри мамлакатнинг катта еридан узилиб қолди. Унга олиб борувчи ягона йўл сув билан қопланган. Аммо бу каби ҳолатлар минтақада тез-тез учраб туради, шунинг учун маҳаллий аҳоли кунига бир неча маротаба ўт ўчирувчиларнинг қайиқларида кўчириш ишлари ташкил қилинади.
Мутахассисларнинг таъкидлашича, ёмғир ёғишда давом этмоқда ва Германияда янги тошқинлар юзага келиши мумкин, шунинг учун ҳафта охирида бу борадаги вазият яхшиланмаслиги мумкин.
Рейн дарёсининг Келна ҳудудидан ўтувчи қисмида ҳаракатланиш аллақачон тўхтатилган. Бироқ ҳудудда сув сатҳи жуда баланд эмас, кемалар кўприклар остидан бемалол ўта олади. Германиянинг жанубий қисмлари ҳам тошқин хавфидан огоҳлантирилган.
Аввалроқ олимлар иқлим ўзгариши сабаб океанларда сув сатҳи кутилганидан анча тез кўтарилаётганини маълум қилганди. Сув сатҳи кўтарилишининг оқибатлари қирғоқларда ёки паст текисликларда яшовчи дунё аҳолисининг учдан икки қисмига таҳдид солади.
БМТ бош котиби Антониу Гутерриш иқлим ўзгариши оқибатида охирги 10 йил ичида бутун дунёда 410 мингдан зиёд аҳоли табиий офатлар қурбони бўлганини маълум қилган.
Гренландияда эса энг катта музлик бўлакларга бўлиниб кетган. Олимларнинг сўзларига кўра, бу муз бўлагининг ажралиши иқлим ўзгариши жуда тез юз бераётганидан дарак беради.
Изоҳ (0)