Somalida cho‘l chigirtkalarining hujumi tufayli favqulodda holat e’lon qilindi. Bu haqda mahalliy Garowe nashri xabar tarqatgan.
Favqulodda holat Somali qishloq xo‘jaligi vazirligi tomonidan e’lon qilingan, mamlakatning janubiy hududlarida bu boradagi vaziyat ancha og‘irlashgani qayd etilgan.
BMTning Ishlab chiqarish va qishloq xo‘jaligi tashkiloti (FAO) shamol hamda yomg‘ir cho‘l chigirtkalarining ko‘payishi uchun sharoit yaratilishiga turtki berishi haqida ogohlantirgan.
“Hasharotlar tezda ko‘payib yangi hududlarni egallab olmoqda, oqibatda qishloq xo‘jaligi mahsulotlari katta xavf ostida qolib ketadi”, – deyilgan tashkilotning bayonotida.
Cho‘l chigirtkasi ushbu oilaga mansub hasharotlar ichida eng katta xavf keltiruvchi zararkunanda hisoblanadi. Hasharotlar to‘dasi bir sutka ichida 150 kilometr masofani bosib o‘tadi va yo‘lida uchragan hamma narsani yeb bitiradi.
Bir yil avval yanvar—fevral oylarida Afrikada chigirtkalarning oxirgi 25 yil ichidagi eng katta hujumi kuzatilgandi. O‘shanda hujumlarga qarshi turish va zararkunandalarni yo‘q qilish uchun havoga petsitsidlar, ya’ni zaharli kimyoviy moddalar sepilgandi.
2020-yil dekabr oyida Yaponiyaning O‘rta Osiyo mamlakatlari va Afg‘onistonga chigirtkadan himoyalanish maqsadida 7,5 million dollar ajratishi xabar qilingandi.
Izoh (0)