Фарғона вилояти Риштон туманида Тиcо ҳайдовчиси йўл четида ҳаракатланиб кетаётган пиёдани уриб юборди. Бу ҳақда вилоят ИИБ ахборот хизмати хабар берди.
Маълум қилинишича, 30 январь куни Х.А. исмли фуқаро Тиcо автомобилини «Юқори Авазбой» маҳалласи ҳудудида бошқариб кетаётиб, йўл чети бўйлаб ҳаракатланаётган пиёдани уриб юборган. Жабрланувчи олинган тан жароҳатлари оқибатида шифохонада вафот этган.
Мазкур ҳолат юзасидан Риштон тумани ИИБ ҳузуридаги тергов бўлинмаси томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Аввалроқ Яшнободда 38 ёшли фуқарони Nexia уриб кетгани, Учкўприкда Lacetti йўлни кесиб ўтаётган аёлни уриб юборгани ва пиёда воқеа жойида вафот этгани тўғрисида хабар берилганди.
Изоҳ (0)