Tunis Sog‘liqni saqlash vazirligi “Sputnik V” vaksinasini ro‘yxatdan o‘tkazdi. Bu haqda Rossiya to‘g‘ridan to‘g‘ri investitsiyalar fondi (RTIF)ga tayanib “RBK” xabar bermoqda.
“Vaksina Rossiyaning ‘Sputnik V’ vaksinasi klinik sinovlari ma’lumotlari asosida ‘favqulodda qo‘llash’ dasturi (emergency use authorization) doirasida ro‘yxatdan o‘tkazildi”, — deyiladi “RBK”ga kelib tushgan xabarda.
Shunday qilib, Tunis Rossiya preparatini ro‘yxatdan o‘tkazgan Afrikadagi uchinchi davlat bo‘ldi. Bundan avval ushbu vaksina Jazoir va Gvineyada ro‘yxatdan o‘tkazilgan.
RTIF bosh direktori Kirill Dmitriyev fond vaksinaga bo‘lgan ehtiyojni qondirishda Tunisga ko‘maklashishga tayyor ekanligini bildirgan.
Jons Hopkins universiteti ma’lumotlariga ko‘ra, Tunisda pandemiya davridan buyon 206 mingdan ortiq kishi koronavirusga chalingani qayd etilgan.
26-yanvar kuni Dmitriyev fond yordamida “Sputnik V” yaqinda dunyoning 25 mamlakatida ro‘yxatdan o‘tkazilishini ma’lum qilgan. Rossiya to‘g‘ridan to‘g‘ri investitsiya jamg‘armasining ma’lumotlariga ko‘ra, 30 dan ortiq davlat Rossiya vaksinalariga qiziqish bildirgan.
Avvalroq Rossiya vaksinasi Belarus, Turkmaniston, Serbiya, Falastin, BAA, Argentina, Boliviya, Venesuela, Paragvayda ro‘yxatdan o‘tgandi. Vengriya Yevropa Ittifoqida birinchilardan bo‘lib tezlashtirilgan jarayon bo‘yicha preparatni ro‘yxatdan o‘tkazgan.
Izoh (0)