Jazoirda aholini COVID-19 koronavirus infeksiyasiga qarshi vaksinatsiya qilish kampaniyasiga start berildi. Bu haqda “Interfaks” xabar qilgan.
Mamlakatda Rossiyaning “Sputnik V” vaksinasini eng birinchi bo‘lib Blid shahrida yashovchi 65 yoshli erkak qabul qildi. Aynan Blidda Jazoirda birinchi bo‘lib koronavirus infeksiyasi bilan kasallanish holati qayd etilgandi.
“Jazoirda vaksinatsiya kampaniyasi muvaffaqiyatli o‘tishi uchun barcha choralar ko‘rildi”, — degan mamlakat sog‘liqni saqlash vaziri Abderaxan Benbuzid.
Avvalroq Jazoirga “Sputnik V” vaksinasining dastlabki partiyasi yetkazib berilgani xabar qilingandi. Mamlakat hukumati AstraZeneca kompaniyasining vaksinasi olish yuzasidan ham kelishuv tuzishga urinmoqda.
Jazoirda Rossiya vaksinasi 2021-yil 10-yanvarda ro‘yxatdan o‘tkazilgan.Afrika qit’asida Misr hamda Marokash davlatlarida aholini koronavirusga qarshi emlash ishlari boshlangandi.
Undan oldinroq Afrika rivojlangan davlatlardan koronavirusga qarshi vaksinalarning ortiqchasini berishni so‘ragani haqida xabar berilgan.
Izoh (0)