Navoiy viloyatining Nurota tumanidagi Poyga qishlog‘ida Cobalt avtomobili YTHga uchrashi oqibatida 3 kishi halok bo‘ldi.
SSV matbuot xizmati xabariga ko‘ra, voqea 28-yanvar, payshanba kuni soat 22:30 larda yuz bergan. Yo‘ldan chiqib ketishi oqibatida mashinada bo‘lgan 4 nafar fuqarodan 3 nafari vafot etgan.
Omon qolgan, 1995-yilda tug‘ilgan F.M. Nurota tuman tibbiyot birlashmasining shoshilinch tibbiy yordam bo‘limiga keltirilgan. Unga bosh miya chayqalishi, o‘ng boldir o‘rta uchligidan yopiq sinib siljishi, ko‘z atrofi va ko‘zosti gematomasi, yuz-qo‘llar va tanadagi ko‘plab shilingan jarohati tashxisi qo‘yilgan.
Xabarda aytilishicha, bemorning ahvoli og‘ir bo‘lib, tegishli tibbiy standartlar asosida davo muolajalari olib borilmoqda.
Izoh (0)