13-fevral kuni Parijda bo‘lib o‘tadigan Sotheby’s auksioni doirasida 80 nusxada ishlab chiqarilgan Mercedes-Benz CLK DTM AMG kabrioletlaridan biri sotuvga qo‘yiladi. Qizil rangli noyob nusxa 2007-yilda ishlab chiqarilgan bo‘lib, unga bir necha kishi egalik qilgan: ular orasida BAA qirollik oilasi a’zolari, Abu-Dabi va Bahrayn shayxlari bor, deb yozadi Motor.
2003-yilgi DTM chempionatidagi g‘alaba uchun yaratilgan Mercedes-Benz CLK DTM AMG kabrioletlarining aksariyati qora yoki kumush rangga bo‘yalgan. 80 ta nusxadan faqat beshtasi konveyerdan “Olovli opal” rangida chiqqan. Sotuvga qo‘yilgan nusxa — aynan shu qatorga kiradi.
Kabirolet Yevropa talablariga mos ravishda yig‘ilgan, biroq tayyor bo‘lishi bilan BAAga yuborilgan bo‘lib, uni Sharja amirligidagi podshohlik oilasi a’zolari sotib olgan. Keyinroq qizil CLK DTM AMG Abu-Dabidagi Al-Ayn shahridan bo‘lgan shayxga sotilgan, undan so‘ng, Bahrayn podshohlik oilasi garajidan o‘rin olgan.
CLK DTM AMG 5,4 litrli V8 kompressori bilan jihozlangan bo‘lib, u besh pog‘onali SpeedShift 5G-Tronic avtomat uzatmalar qutisi yordamida boshqariladi. Agregat quvvati 582 ot kuchi va 800 Nm aylanuvchi momentga teng. Bu kabi motor yordamida kabriolet soatiga 100 kilometr tezlikka to‘rt sonyiada erishadi, maksimal tezligi — 322 km/soat.
Mazkur kabriolet 2007-yildan buyon 15,2 ming kilometr yo‘l bosgan. Hozircha uning narxi e’lon qilinmagan.
Mavzuga doir:
Izoh (0)