Навоий вилоятининг Нурота туманидаги Пойга қишлоғида Cobalt автомобили ЙТҲга учраши оқибатида 3 киши ҳалок бўлди.
ССВ матбуот хизмати хабарига кўра, воқеа 28 январь, пайшанба куни соат 22:30 ларда юз берган. Йўлдан чиқиб кетиши оқибатида машинада бўлган 4 нафар фуқародан 3 нафари вафот этган.
Омон қолган, 1995 йилда туғилган Ф.М. Нурота туман тиббиёт бирлашмасининг шошилинч тиббий ёрдам бўлимига келтирилган. Унга бош мия чайқалиши, ўнг болдир ўрта учлигидан ёпиқ синиб силжиши, кўз атрофи ва кўзости гематомаси, юз-қўллар ва танадаги кўплаб шилинган жароҳати ташхиси қўйилган.
Хабарда айтилишича, беморнинг аҳволи оғир бўлиб, тегишли тиббий стандартлар асосида даво муолажалари олиб борилмоқда.
Изоҳ (0)