Apple kompaniyasining 2021-moliya yilining (2020-yil 26-dekabrda tugadi) birinchi choragidagi daromadi ilk marta 100 milliard dollardan oshdi, deb yozadi Meduza kompaniya hisobotiga tayanib.
Tushum rekord darajada — 111,4 milliard dollarni tashkil etdi, bu bir yil avvalgi xuddi shu davrga nisbatan 21 foizga ko‘p demakdir (91,8 milliard dollar).
Kompaniyaning sof foydasi 2019-yildagi 22,23 milliard dollar bilan taqqoslaganda 28,75 milliard dollargacha o‘sdi.
Kompaniyaning bor kapitalizatsiyasi 2,4 trillion dollarni tashkil etadi.
Reuters’ga bergan intervyusida Apple rahbari Tim Kuk ayni vaqtda faol iPhone’lar soni dunyo bo‘yicha bir milliardta qurilmadan oshishini ma’lum qildi. Umuman, faol Apple qurilmalarining jami soni esa 1,65 milliardga teng.
Izoh (0)