Brand Finance tahlilchilari dunyoning eng qimmat kompaniyalari kiritiladigan har yilgi Global 500 hisobotini taqdim etdi, deb xabar beradi Hi-Tech.Mail.ru.
Qiziq jihati, 2016-yildan buyon birinchi bor eng yuqori pog‘ona Apple’ga nasib etgan — u 263,4 milliard dollarga baholangan. Ko‘rsatkichlarning o‘sishi biznesning diversifikatsiyasi va raqamli servislarga, jumladan, iCloud, Apple Podcasts, Apple Music, Apple TV va Apple Arcade’ga obunalarning rijovlanishi bilan bog‘lanmoqda.
Ikkinchi o‘rinni chakana savdo bilan shug‘ullanuvchi Amazon giganti egallagan bo‘lsa (254,2 milliard dollar), uchinchi o‘rindan Google joy oldi (191,2 milliard dollar). Shu bilan birga, tahlilchilarning ta’kidlashicha, pandemiya vaqtida Google jiddiy zarar ko‘rgan, kompaniya o‘zining marketing budjetlarini qisqartirishga majbur bo‘lgan. Shuningdek, yuqori beshlikdan Microsoft (140,4 milliard) va Samsung (102,6 milliard) o‘rin oldi.
Boshqa nominatsiyalarda, xususan, eng tez o‘sayotgan brend sifatida Tesla e’tirof etilgan — bir yil ichida kompaniya 158 foizga, ya’ni 32 milliard dollarga o‘sgan. Media sohasida Netflix ajralib turibdi (24,9 milliard dollar).
Izoh (0)