Alphabet (Google’ning bosh kompaniyasi) aerostatlar yordamida alohida hududlarda internet ishlashini ta’minlash bilan shug‘ullanuvchi Loon loyihasini yopmoqda. Bu haqda X tajriba bo‘linmasining blogiga tayanib, Meduza xabar berdi.
“Tijoriy hayotga olib boradigan yo‘l kutilganidan ko‘ra ancha uzoq va xavfli bo‘lib chiqdi”, — deydi X bo‘linmasi rahbari Astro Teller.
Kompaniya Loon xodimlarini X, Google va Alphabet’dagi boshqa lavozimlarga o‘tkazish ustida ish olib bormoqda.
Jamoaning bir qismi servis ishining uzluksiz davom etishini ta’minlaydi, xususan, 2020-yilning iyulida Loon birinchi bor o‘zining internetni tarqatish bo‘yicha tijoriy loyihasini yo‘lga qo‘ygan Keniyada ham. 2021-yilning martida Keniyada loyiha yopiladi.
Ma’lumot uchun, Loon loyihasi 2013-yilning iyunida ishga tushirilgan. Servis tabiiy ofatlardan zarar ko‘rgan hududlarni aloqa bilan ta’minlagan. Masalan, aerostatlar 2017-yili Puerto-Rikoga yopirilgan “Mariya” dovuli va Peruda 2019-yilda ro‘y bergan zilziladan keyin ushbu mamlakatlarda internet tarqatgan.
Izoh (0)