Tadqiqotlar “aqlli” soatlar koronavirusni uning belgilari paydo bo‘lishidan ancha oldin aniqlay olishini ko‘rsatdi

Apple Watch “aqlli” soatlari sog‘liq va fitnesga bog‘liq jihatlarga sezilarli darajada e’tibor qaratishga mo‘ljallangan. Xususan, u organizmning normal ishlashi buzilishini dastlabki bosqichlardayoq aniqlash imkoniyatiga ega, deb yozadi IXBT.

Nyu-Yorkdagi Mount Sinai Health System kasalxonalar tarmog‘i hamda Kaliforniyadagi Stenford universiteti hamkorligida o‘tkazilgan tadqiqot natijalari Apple Watch koronavirus belgilarini foydalanuvchining o‘zidan oldin aniqlay olishini ko‘rsatgan.

Gap shundaki, Apple soatlari koronavirusning dastlabki bosqichidan dalolat beruvchi yurak urushidagi kichik o‘zgarishlarni ham aniqlashga qodir. Yurak ritmining o‘zgaruvchanligi, ya’ni bir maromda urmasligi ko‘pincha organizmdagi yallig‘lanish jarayoniga bog‘liq bo‘ladi.

Mount Sinai Health System tadqiqotlarida 300 ga yaqin tibbiyot xodimlari ishtirok etgan bo‘lib, ular yarim yil davomida Apple Watch soatlarini taqib yurgan. Kaliforniyadagi Stenford universiteti 5000 dan ortiq ishtirokchi sifatida tadqiqot o‘ktazgan bo‘lib, ular turli “aqlli” soatlarni, jumladan, Apple Watch, Fitbit va Garmin taqqan. Taqiqotlarning ko‘rsatishicha, ishtirokchilar orasida kasallikka chalinganlarning 81 foizida yurak urushi chastotasining o‘zgarishi COVID-19’ning aniq belgilari namoyon bo‘lishidan bir haftalar oldin paydo bo‘lgan.

Bir marta foydalaniladigan odatdagi tibbiyot qurilmalaridan farqli o‘laroq, “aqlli” soatlar yurak urushini kun davomida kuzatadi. Bu esa hatto kichik, biroq tizimli buzilishlarni aniqlashga xizmat qiladi.