Apple компаниясининг 2021-молия йилининг (2020 йил 26 декабрда тугади) биринчи чорагидаги даромади илк марта 100 миллиард доллардан ошди, деб ёзади Meduza компания ҳисоботига таяниб.
Тушум рекорд даражада — 111,4 миллиард долларни ташкил этди, бу бир йил аввалги худди шу даврга нисбатан 21 фоизга кўп демакдир (91,8 миллиард доллар).
Компаниянинг соф фойдаси 2019 йилдаги 22,23 миллиард доллар билан таққослаганда 28,75 миллиард долларгача ўсди.
Компаниянинг бор капитализацияси 2,4 триллион долларни ташкил этади.
Reuters’га берган интервьюсида Apple раҳбари Тим Кук айни вақтда фаол iPhone’лар сони дунё бўйича бир миллиардта қурилмадан ошишини маълум қилди. Умуман, фаол Apple қурилмаларининг жами сони эса 1,65 миллиардга тенг.
Изоҳ (0)