Aksiyadorlik-tijorat “Qishloq qurilish bank” xizmatlar ommabopligini yanada oshirish, mijozlar uchun yanada qulaylik yaratish, aholining bo‘sh pul mablag‘larini bankdagi muddatli va jamg‘arma omonatlarga jalb qilishni rag‘batlantirish maqsadida yangi omonat turlarini taklif etmoqda.
Bugungi kunda bank tomonidan milliy va xorijiy valyutada jami 14 turdagi omonatlarga mablag‘lar jalb qilinmoqda. Jumladan, bank fuqarolarning yanada ko‘proq daromad olishini ko‘zda tutuvchi yangi omonat turlarini joriy etdi.
Milliy valyutada muddatli “Baraka” omonatiga qo‘yilgan mablag‘ uchun 1—6 oy muddatga — yillik 16 foiz, 7—12 oygacha bo‘lgan muddatga — yillik 17 foiz hamda 13—25 oy muddatga — yillik 18 foiz to‘lov amalga oshirilishi belgilandi.
Milliy valyutada muddatli “Yangi maqsad” omonatida esa 270—370 kun muddatga — yillik 17 foiz, 371—540 kungacha bo‘lgan muddatga — yillik 18 foiz miqdorida to‘lov amalga oshiriladi.
Shu bilan birga, milliy valyutada muddatli “Ishonch” nomli omonatga joylashtirilgan mablag‘ uchun 13-18 oy muddatga — yillik 18 foiz miqdorida to‘lov amalga oshirilishi belgilandi. Yuqorida qayd etilgan muddatli omonatlarga foiz to‘lovlar har oyda amalga oshiriladi.
Omonatga mablag‘lar naqd pul yoki naqd pulsiz shaklda, jismoniy shaxslarning ish haqi va unga tenglashtirilgan pul mablag‘lari jumladan, omonatchining qonunchilikda taqiqlanmagan boshqa pul mablag‘lari hisobidan qabul qilinadi. Mablag‘ qabul qilishning eng yuqori miqdori esa cheklanmagan. Hisoblangan foiz to‘lovlar har oyda amalga oshiriladi. Omonatga hisoblangan foiz to‘lovlar uning manbasidan qat’iy nazar, omonatchi talabiga ko‘ra, naqd pulda berilishi mumkin.
Mazkur omonatlarga mablag‘lar qabul qilish 2021-yil 26-yanvardan boshlandi.
Shuningdek, milliy valyutadagi jamg‘armali omonatlar ham mavjud.
Xususan, “Farovon” omonatiga qo‘yilgan mablag‘ uchun 1-6 oygacha muddatga — yillik 15 foiz, 7-12 oygacha muddatga — yillik 16 foiz, 13—25 oy muddatga esa yillik 17 foiz miqdorda to‘lov taklif etilmoqda. Bu omonat turida foiz to‘lovlari umumiy muddat tugaganidan so‘ng amalga oshiriladi. Mablag‘ qabul qilishning eng yuqori miqdori cheklanmagan.
“Universal” omonatiga qabul qilinadigan mablag‘ning eng yuqori miqdori esa 100 000 000 (yuz million) so‘m bo‘lib, 13—36 oygacha muddatga — yillik 18 foiz to‘lov taklif etiladi. Bu omonat turida hisoblanadigan foiz to‘lovlar har oyda amalga oshirib boriladi.
Bank mijozlarining omonat mablag‘lari qonun talablariga muvofiq sir saqlanishini va omonatchining birinchi talabiga asosan qaytarilishini kafolatlaydi.
Omonatlar “Fuqarolarning banklardagi omonatlarini himoyalash to‘g‘risida”gi O‘zbekiston Respublikasi qonuni bilan kafolatlangan.
Qo‘shimcha daromad olish imkoniyatini qo‘ldan chiqarmang.
“Qishloq qurilish bank” — farovon hayotingiz xizmatida!
Murojaat uchun:
Telefonlar: (+99878) 150 93 39, 150 72 58
Veb-sayt: www.qqb.uz
Bank axborot xizmati
Reklama huquqi asosida.
Izoh (0)