Bundan roppa-rosa bir yil muqaddam LUKOIL’ning xayriya loyihasi doirasida, O‘zbekiston Respublikasi Maktabgacha ta’lim vazirligi bilan hamkorlikda, O‘zbekistonda uchta maktabgacha ta’lim muassasasi qurilishining birinchi g‘ishtini qo‘yish marosimi bo‘lib o‘tgan edi. Loyiha jadal sur’atlarda amalga oshirilmoqda.
Maktabgacha ta’limni rivojlantirish konsepsiyasida 2030-yilgacha bo‘lgan istiqbol uchun uzoq muddatli maqsadlar belgilab qo‘yilgan. Masalan, mamlakat bolalarining 80,8 foizini maktabgacha ta’lim qamrab olishi rejalashtirilgan, buning uchun bolalar ta’limi muassasalarida joylar soni sezilarli darajada (132 foizdan ortiq) ko‘payishi kerak. Ushbu ko‘rsatkichlarga erishish davlat va xususiy sheriklarning birgalikdagi ishini talab qiladigan vazifadir. Ayni paytda O‘zbekiston faol demografik o‘sishni boshdan kechirmoqda – respublika ushbu trendni inson kapitalini rivojlantirish orqali o‘z manfaati uchun o‘zgartira oladiki, bu maktabgacha yoshdan boshlab ta’lim sifatini ta’minlash tufayli amalga oshiriladi.
Mamlakat shu yo‘l bilan kelgusida barqaror innovatsion rivojlanish poydevorini kengaytirishi mumkin. Buni faqat ishlab chiqarish faoliyatidan tashqarida bo‘lgan loyihalarni amalga oshiradigan va eng yaxshi xalqaro tajribalarni mamlakatga olib kiradigan xorijiy investorlar, ulardan eng yirigi bo‘lgan hamda umumiy sarmoyasi taxminan, 8 milliard AQSh dollarini tashkil etadigan LUKOIL ham tushunadi.
LUKOIL ko‘p yillardan buyon faoliyat ko‘rsatayotgan mintaqalarga (Qashqadaryo va Buxoro viloyatlari) urg‘u bergan holda, O‘zbekistonda ta’lim, madaniyat, sport va sog‘liqni saqlash sohalarida xayriya loyihalarini faol ravishda amalga oshirib kelmoqda. Bu LUKOIL’ning Qarshi va Buxoro shaharlarida bolalar bog‘chalarini qurish bo‘yicha tashabbusi bilan izohlanadi. Yana bir bolalar ta’lim muassasasi Toshkent viloyatida quriladi. Ushbu yirik ijtimoiy loyihani amalga oshirish uchun LUKOIL 12 million AQSh dollari ajratdi.
Loyihani 2019-yilda O‘zbekistonda amalga oshirish maqsadida LUKOIL Buxoroda 250 o‘rinli, Qarshida 150 o‘rinli va Toshkent viloyatida 150 o‘rinli, uchta maktabgacha ta’lim muassasasini qurish bo‘yicha xayriya loyihasini amalga oshirish to‘g‘risida Maktabgacha ta’lim vazirligi bilan shartnoma imzoladi. LUKOIL loyihasi sharofati bilan hududlarda yana 550 nafar bola sifatli maktabgacha ta’lim olish imkoniyatiga ega bo‘ladi.
Buxorodagi bolalar ta’limi muassasasi (BTM) umumiy turdagi tashkilot bo‘lib, LUKOIL tomonidan maxsus ishlab chiqilgan loyiha asosida quriladi. Bunday loyiha birinchi marotaba Rossiyaning Astraxan shahrida amalga oshirilgan edi.
Buxoro shahridagi BTMning ikki qavatli binosi va unga tutash hudud, umumiy maydoni 11 ming kvadrat metrdan ortiq bo‘lib, eng zamonaviy texnologiyalar va jihozlar, basseyn, raqs va sport zallari, kompyuter sinflari, shuningdek guruh xonalari bilan jihozlangan. Buxorodagi maktabgacha ta’lim muassasasi hududida faol o‘yinlar va sport turlari uchun chim va xavfsiz sintetik yuzaga ega bo‘lgan velosiped yo‘laklari va o‘yin maydonchalari nazarda tutilgan.
Qarshi shahri va Toshkent viloyatidagi yangi BTM reabilitatsiya markazlariga ega bo‘lgan ko‘p tarmoqli ixtisoslashtirilgan tashkilotlar bo‘lib, ularda har yili tibbiy reabilitatsiyaga muhtoj 2 yoshdan 15 yoshgacha bo‘lgan 5-7 ming nafar bolaga xizmat ko‘rsatiladi. Ular Nukus shahridagi “Imkon” reabilitatsiya markaziga o‘xshash tarzda qurilgan bo‘lib, unda jismoniy va aqliy qobiliyati cheklangan bolalar uchun maktabgacha ta’lim muassasasi va reabilitatsiya markazi birlashtirilgan.
Yangi BTMda zamonaviy LFK va fizioterapiya zallari, massaj xonalari, sensorli xona, nozik motorikani rivojlantirish, ijtimoiy-maishiy moslashuv, musiqa va art-terapiya xonalari, shuningdek vrachlik xonalari joylashgan bo‘ladi.
2020-yilda koronavirus pandemiyasi sababli uzoq karantin cheklovlariga qaramay, qurilish ishlari sanitariya-epidemiologiya qoidalariga rioya qilingan holda bir kun ham to‘xtagani yo‘q. Qurilish maydonlarida ish qizg‘in davom etmoqda. O‘tgan davr mobaynida qurilish uchun ajratilgan uchastkalarda bo‘lajak bolalar bog‘chalari binolarining asoslari qad ko‘tarishga ulgurdi va yordamchi inshootlar tartibga keltirilmoqda.
MTV bilan yaqin hamkorlik hamda pudrat tashkilotlarining bir maromdagi ishi tufayli maktabgacha ta’lim muassasalarini foydalanishga topshirish yozda, loyihada belgilangan muddatlarda amalga oshiriladi.
Bugungi kunga qadar LUKOIL tomonidan O‘zbekistondagi ijtimoiy loyihalar va xayriya tadbirlarini qo‘llab-quvvatlash uchun ajratilgan mablag‘larning umumiy miqdori 25 million dollardan oshdi.
LUKOIL Uzbekistan Operating Company MChJ matbuot xizmati
Reklama huquqi asosida.
Izoh (0)