Бундан роппа-роса бир йил муқаддам LUKOIL’нинг хайрия лойиҳаси доирасида, Ўзбекистон Республикаси Мактабгача таълим вазирлиги билан ҳамкорликда, Ўзбекистонда учта мактабгача таълим муассасаси қурилишининг биринчи ғиштини қўйиш маросими бўлиб ўтган эди. Лойиҳа жадал суръатларда амалга оширилмоқда.
Мактабгача таълимни ривожлантириш концепциясида 2030 йилгача бўлган истиқбол учун узоқ муддатли мақсадлар белгилаб қўйилган. Масалан, мамлакат болаларининг 80,8 фоизини мактабгача таълим қамраб олиши режалаштирилган, бунинг учун болалар таълими муассасаларида жойлар сони сезиларли даражада (132 фоиздан ортиқ) кўпайиши керак. Ушбу кўрсаткичларга эришиш давлат ва хусусий шерикларнинг биргаликдаги ишини талаб қиладиган вазифадир. Айни пайтда Ўзбекистон фаол демографик ўсишни бошдан кечирмоқда – республика ушбу трендни инсон капиталини ривожлантириш орқали ўз манфаати учун ўзгартира оладики, бу мактабгача ёшдан бошлаб таълим сифатини таъминлаш туфайли амалга оширилади.
Мамлакат шу йўл билан келгусида барқарор инновацион ривожланиш пойдеворини кенгайтириши мумкин. Буни фақат ишлаб чиқариш фаолиятидан ташқарида бўлган лойиҳаларни амалга оширадиган ва энг яхши халқаро тажрибаларни мамлакатга олиб кирадиган хорижий инвесторлар, улардан энг йириги бўлган ҳамда умумий сармояси тахминан, 8 миллиард АҚШ долларини ташкил этадиган LUKOIL ҳам тушунади.
LUKOIL кўп йиллардан буён фаолият кўрсатаётган минтақаларга (Қашқадарё ва Бухоро вилоятлари) урғу берган ҳолда, Ўзбекистонда таълим, маданият, спорт ва соғлиқни сақлаш соҳаларида хайрия лойиҳаларини фаол равишда амалга ошириб келмоқда. Бу LUKOIL’нинг Қарши ва Бухоро шаҳарларида болалар боғчаларини қуриш бўйича ташаббуси билан изоҳланади. Яна бир болалар таълим муассасаси Тошкент вилоятида қурилади. Ушбу йирик ижтимоий лойиҳани амалга ошириш учун LUKOIL 12 миллион АҚШ доллари ажратди.
Лойиҳани 2019 йилда Ўзбекистонда амалга ошириш мақсадида LUKOIL Бухорода 250 ўринли, Қаршида 150 ўринли ва Тошкент вилоятида 150 ўринли, учта мактабгача таълим муассасасини қуриш бўйича хайрия лойиҳасини амалга ошириш тўғрисида Мактабгача таълим вазирлиги билан шартнома имзолади. LUKOIL лойиҳаси шарофати билан ҳудудларда яна 550 нафар бола сифатли мактабгача таълим олиш имкониятига эга бўлади.
Бухородаги болалар таълими муассасаси (БТМ) умумий турдаги ташкилот бўлиб, LUKOIL томонидан махсус ишлаб чиқилган лойиҳа асосида қурилади. Бундай лойиҳа биринчи маротаба Россиянинг Astraхан шаҳрида амалга оширилган эди.
Бухоро шаҳридаги БТМнинг икки қаватли биноси ва унга туташ ҳудуд, умумий майдони 11 минг квадрат метрдан ортиқ бўлиб, энг замонавий технологиялар ва жиҳозлар, бассейн, рақс ва спорт заллари, компьютер синфлари, шунингдек гуруҳ хоналари билан жиҳозланган. Бухородаги мактабгача таълим муассасаси ҳудудида фаол ўйинлар ва спорт турлари учун чим ва хавфсиз синтетик юзага эга бўлган велосипед йўлаклари ва ўйин майдончалари назарда тутилган.
Қарши шаҳри ва Тошкент вилоятидаги янги БТМ реабилитация марказларига эга бўлган кўп тармоқли ихтисослаштирилган ташкилотлар бўлиб, уларда ҳар йили тиббий реабилитацияга муҳтож 2 ёшдан 15 ёшгача бўлган 5-7 минг нафар болага хизмат кўрсатилади. Улар Нукус шаҳридаги «Имкон» реабилитация марказига ўхшаш тарзда қурилган бўлиб, унда жисмоний ва ақлий қобилияти чекланган болалар учун мактабгача таълим муассасаси ва реабилитация маркази бирлаштирилган.
Янги БТМда замонавий ЛФК ва физиотерапия заллари, массаж хоналари, сенсорли хона, нозик моторикани ривожлантириш, ижтимоий-маиший мослашув, мусиқа ва арт-терапия хоналари, шунингдек врачлик хоналари жойлашган бўлади.
2020 йилда коронавирус пандемияси сабабли узоқ карантин чекловларига қарамай, қурилиш ишлари санитария-эпидемиология қоидаларига риоя қилинган ҳолда бир кун ҳам тўхтагани йўқ. Қурилиш майдонларида иш қизғин давом этмоқда. Ўтган давр мобайнида қурилиш учун ажратилган участкаларда бўлажак болалар боғчалари биноларининг асослари қад кўтаришга улгурди ва ёрдамчи иншоотлар тартибга келтирилмоқда.
МТВ билан яқин ҳамкорлик ҳамда пудрат ташкилотларининг бир маромдаги иши туфайли мактабгача таълим муассасаларини фойдаланишга топшириш ёзда, лойиҳада белгиланган муддатларда амалга оширилади.
Бугунги кунга қадар LUKOIL томонидан Ўзбекистондаги ижтимоий лойиҳалар ва хайрия тадбирларини қўллаб-қувватлаш учун ажратилган маблағларнинг умумий миқдори 25 миллион доллардан ошди.
LUKOIL Узбекистан Оператинг Company МЧЖ матбуот хизмати
Реклама ҳуқуқи асосида.
Изоҳ (0)