InStat kompaniyasi, Professional futbol ligasi (PFL), shuningdek O‘zbekiston futbol assotsiatsiyasi (O‘FA) 2020-yilgi O‘zbekiston superligasi mavsumining barcha uchrashuvlarini ko‘rib chiqish uchun shartnoma imzoladilar.
Bu O‘zbekiston futbol tashkilotlari yangi rahbariyatining yanada muhim sport yutuqlariga erishishga hamda mamlakatda futbolni ommalashtirishga bo‘lgan intilishi tufayli amalga oshdi. Mavsum davomida barcha 14 ta professional futbol jamoalari muntazam ravishda o‘zlarining uchrashuvlari bo‘yicha batafsil statistik ma’lumotlarni, shuningdek har bir bo‘lajak uchrashuv uchun raqiblarining so‘nggi uchta o‘yini statistikasini olib turishdi. Mavsum “Covid-19” sabab yuzaga kelgan cheklovlar tufayli majburiy uzilishlar bo‘lgani uchun ham oson kechmadi. Biroq tomonlar joriy yilda samarali hamkorlikni davom ettirishga qat’iy qaror qilishdi.
InStat — bu xalqaro sport-analitik kompaniya, sport statistikasi va analitikasi sanoatida dunyoda yetakchi hisoblanadi. InStat Scout platformasi individual va jamoaviy chiqishlarni baholash, o‘yinchilarni saralash, shuningdek analitika va video bilan ishlash uchun IT yechimlarni taklif etadi.
InStat 13 yildan ortiq vaqt davomida dunyoning yetakchi klublari, federatsiyalari va ligalari bilan hamkorlik qilib keladi. 2020-yilda InStat Scout 5.0 tashkil topdi. Onlayn platforma o‘z foydalanuvchilariga keng ko‘lamli jamoaviy ko‘rsatkichlar bilan bir qatorda individual statistik ko‘rsatkichlardan foydalanish imkoniyatini beradi.
Kompaniya o‘z foydalanuvchilarini qo‘llab-quvvatlash uchun bor imkoniyatlarini ishga soladi. 24 soatlik InStat Support xizmati faoliyat olib boradi. Kompaniya mutaxassislari har oy treninglardan o‘tadilar va 24/7 rejimida aloqaga chiqishlari mumkin. Foydalanuvchilar har hafta platformaning funksional imkoniyatlari va texnik yangiliklari haqida hikoya qiluvchi xabarlarni qabul qilishadi.
InStat Fitness hisobotlari alohida e’tiborga loyiqdir, bunda jamoaning jismoniy holatini tahlil qilishda muvaffaqiyatli foydalaniladi. Fitness hisobotlarining har biri alohida o‘yinchi uchun murabbiylar shtabiga sportchilar harakatining issiqlik xaritasini nazorat qilish, yuklamani taqsimlash va mashg‘ulot jarayonini to‘g‘rilash imkonini beradi, bu esa futbolchilarga mavsum davomida o‘z o‘yin holatlarini saqlab qolishlariga yordam beradi.
InStat Fitness mahsuloti ma’lumotlarining aniqligi FIFA tomonidan o‘tkazilgan sinovlar bilan tasdiqlangan.
Jizzaxning “Sug‘diyona” FJ analitigi Damir Zakiullin InStat Scout platformasi bilan ishlash bo‘yicha o‘z tajribasi bilan o‘rtoqlashdi. Damir InStat bilan hamkorlikning bir qancha asosiy afzalliklarini ta’kidlab o‘tdi.
1. Klub murabbiylari va futbolchilari InStat statistik hisobotlaridan faol foydalanadilar.
“Statistika hisobotlari uchrashuvdan so‘ng darhol mavjud bo‘lib, undan sizga kerakli barcha ko‘rsatkichlar, dolzarb ma’lumotlar va pleylistlarga havolalar o‘rin oladi. Jamoaning mavsum uchun hisobotlari juda qo‘l keladi. Biz jamoamizda sodir bo‘layotgan progresslar va rivojlanish dinamikasini kuzatib boramiz”.
2. O‘yinchi/jamoalarni taqqoslash xususiyati ayniqsa foydali bo‘ldi.
“Bo‘lgan uchrashuvni tahlil qilish jarayonida, shuningdek keyingisiga tayyorgarlik jarayonida nafaqat klubimiz futbolchilari ma’lumotlarini taqqoslash, balki raqib jamoa futbolchilarini ham qo‘shish mumkin”.
3. Video uchun grafik xizmat ham “Sug‘diyona” FJ tahlilchilarida qiziqish uyg‘otdi.
“Bu yuksalish uchun ajoyib funksiya va biz uchun keng imkoniyatlar yaratadi. Uchinchi tomon muharririsiz video parchalarga mustaqil ravishda grafikalar qo‘shish imkoniyati o‘yinni tahlil qilishni optimallashtirishga yordam beradi”.
4. Klub futbolchilari, sportchilar va jamoalarning o‘yinlarini obyektiv baholash uchun avtomatik yuzaga keluvchi ko‘rsatkich bo‘lgan InStat indexni yuqori baholadilar.
“InStat index tufayli jamoamiz futbolchilari har bir o‘yindan so‘ng o‘z reytinglarini, ya’ni ularning ko‘rsatkichlaridagi o‘zgarishlar va umumiy jamoaviy natijaga qo‘shgan hissasini katta qiziqish bilan kuzatib boradilar. Ushbu qo‘shimcha motivatsion omil futbolchilarda rivojlanish va takomillashishga intilishni shakllantiradi”.
“InStat — bu professionallar uchun eng maqbul tanlovdir. InStat Scout’ning o‘ziga xos xususiyati, bu ma’lumotni joylashtirish tezligi va uning dolzarbligidir. O‘yinchilar bo‘yicha statistika va video parchalarni eng qisqa vaqt ichida ko‘rish mumkin bo‘ladi. Statistik ma’lumotlar ko‘rinishidagi nazariy tarkibning mavjud, amaliy, vizual formatga o‘tkazilishi juda ajoyib”.
Reklama huquqi asosida.
Izoh (0)