Goal nashri “Barselona”ning yillik moliyaviy hisobotlarini o‘rganib chiqdi.
Ma’lum bo‘lishicha, “Barselona” 1,2 milliard yevro miqdorida qarz mavjudligini qayd etgan. Ulardan 730 millioni yaqin muddatda qaytarish kerak bo‘lgan qarz hisoblanadi. Yana 488 millioni o‘tgan mavsumdan qolgan toza qarz. Klub kreditorlardan 265 million yevro qarzdor bo‘lsa, 164 million o‘z xodimlariga to‘lashi kerak.
Klubning eng ko‘p xarajati maoshlarga ketmoqda — klub budjetining 74 foizi. O‘yinchilar shartnomasi bilan bog‘liq vaziyat klubni jiddiy tashvishga solmoqda. Shu sabab klub futbolchilar bilan maoshlarni kamaytirish borasida bir necha bor muzokaralar o‘tkazdi.
“Barselona”da boshqa klublardan 126 million yevro miqdoridagi qarzdorlik mavjud. Klub Filippe Koutinyo uchun “Liverpul”dan 29 million, Frenki de Yong transferi uchun “Ayaks”dan 16 million va Malkom uchun “Bordo”dan 10 million yevro qarzdor. Ularning hammasi 2021-yilning 30-iyuniga qadar to‘lanishi kerak.
Mavzuga doir:
- Ular Messining taqdirini hal qiladi. “Barselona” prezidentligiga kimlar da’vogarlik qilmoqda?
- Dembele, Grizmann, Koutinyo va boshqalar. “Barselona”dan surgun qilingan Bartomeuning transfer xatolari haqida
- Messiga 33 mln yevro mukofot, Neymar bilan sudlashuv va yangi transferlar uchun mablag‘. “Ko‘k-anorranglilar” ustida qora bulutlar aylanayotgani haqida
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)