Goal нашри «Барселона»нинг йиллик молиявий ҳисоботларини ўрганиб чиқди.
Маълум бўлишича, «Барселона» 1,2 миллиард евро миқдорида қарз мавжудлигини қайд этган. Улардан 730 миллиони яқин муддатда қайтариш керак бўлган қарз ҳисобланади. Яна 488 миллиони ўтган мавсумдан қолган тоза қарз. Клуб кредиторлардан 265 миллион евро қарздор бўлса, 164 миллион ўз ходимларига тўлаши керак.
Клубнинг энг кўп харажати маошларга кетмоқда — клуб бюджетининг 74 фоизи. Ўйинчилар шартномаси билан боғлиқ вазият клубни жиддий ташвишга солмоқда. Шу сабаб клуб футболчилар билан маошларни камайтириш борасида бир неча бор музокаралар ўтказди.
«Барселона»да бошқа клублардан 126 миллион евро миқдоридаги қарздорлик мавжуд. Клуб Филиппе Коутиньо учун «Ливерпуль»дан 29 миллион, Френки де Йонг трансфери учун «Аякс»дан 16 миллион ва Малком учун «Бордо»дан 10 миллион евро қарздор. Уларнинг ҳаммаси 2021 йилнинг 30 июнига қадар тўланиши керак.
Мавзуга доир:
- Улар Мессининг тақдирини ҳал қилади. «Барселона» президентлигига кимлар даъвогарлик қилмоқда?
- Дембеле, Гризманн, Коутиньо ва бошқалар. «Барселона»дан сургун қилинган Бартомеунинг трансфер хатолари ҳақида
- Мессига 33 млн евро мукофот, Неймар билан судлашув ва янги трансферлар учун маблағ. «Кўк-анорранглилар» устида қора булутлар айланаётгани ҳақида
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)