Angliya Kubogi. “Tottenhem” 5 ta gol urilgan o‘yinda quyi liga jamoasi ustidan irodali g‘alabaga erishdi
Futbol bo‘yicha Angliya Kubogining 1/16 finalida “Tottenhem” 25-yanvar, dushanba kuni “Uikom” bilan bahs yuritdi.
Avvaliga maydon egalari 25-daqiqadagi gol evaziga oldinga o‘tib oldi. Bunga londonliklar birinchi bo‘limga qo‘shib berilgan vaqtda Garet Beylning goli bilan javob qaytardi.
Ikkinchi bo‘limda qator o‘zgarishlarga qo‘l urgan mehmonlar o‘yin oxiriga kelib vaziyatni o‘z tomoniga og‘dirishga muvaffaq bo‘ldi. 86-daqiqada Harri Uinks jamoasining ikkinchi golini urdi. Shundan keyin Tangi Ndombele dubl qayd etib, hisobni yirik ko‘rinishga olib keldi.
Ushbu g‘alabadan keyin “shporlar” keyingi bosqichga yo‘l oldi va 1/8 finalda “Everton”ga qarshi o‘ynaydi.
Angliya Kubogi
1/16 final
25-yanvar, dushanba
“Uikom” — “Tottenhem” 1:4
Gollar: 1:0 – 25 Onedinma, 1:1 – 45+2 Beyl, 1:2 – 86 Uinks, 1:3 – 87 Ndombele, 1:4 – 90+3 Ndombele.“Uikom”: Olsop, Nayt, Grimmer, Makkarti, Jeykobson (Charlz, 34), Blumfild (Makkliri, 61), Uiler, Tompson, Onedinma, Muskve (Keshket, 73), Ikpeazu (Akinfenva, 72).
“Tottenhem”: Hart, Devis (Rodon, 90), Tanganga (Hyoybyerg, 46), Sanches, Alderveyreld, Uinks, Lamela (Ndombele, 68), Lukas Moura (Son Hyon Min, 68), Sissoko, Beyl, Vinisius (Keyn, 58).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
