Yengil vazn toifasida UFC chempioni Habib Nurmagomedov BAAda yig‘in o‘tkazayotgan “Spartak” qarorgohiga bordi.
Habib “Spartak” futbolchilari bilan bo‘lib o‘tgan futbol o‘yinidan keyin Instagram tarmog‘iga video joylashtirdi. Videodagi gaplardan ma’lum bo‘lishicha, tarkibida Nurmagomedov, Zelimxan Bakayev va Oston O‘runov bo‘lgan jamoa g‘alaba qozongan. “Spartak” sardori Georgiy Jikiya va sobiq futbolchi, bloger Yevgeniy Savin jamoasi esa mag‘lubiyatga uchragan.
Avvalroq yakkakurashchi hazil aralash katta futboldagi debyutga tayyorgarlik ko‘rayotgani va takliflar kutishini ma’lum qilgandi.
Eslatib o‘tamiz, Habib 2020-yilda MMA’dagi faoliyatini yakunlashini ma’lum qilgandi. Hozirda u o‘zi sotib olgan EFC promoushenini rivojlantirish va tadbirkorlikning boshqa sohalari bilan band.
O‘zbekistonlik futbolchi va uning jamoasi ayni damda BAAda yig‘in o‘tkazmoqda.
https://www.instagram.com/p/CKdxR7So-T2/
Mavzuga doir:
- Habib Nurmagomedov egalik qiladigan EFC promousheni O‘zbekistonda musobaqa o‘tkazadi
- Bolalik, UFC, yashash tarzi, mashinalar va shaxsiy hayot. Habib Nurmagomedovning hayot yo‘li haqida
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)