Toshkent shahar Shayxontohur tumanida joylashgan masjidda fuqaroning kurtkasidagi 5 400 dollarini o‘g‘irlagan shaxs ushlandi, deya xabar bermoqda shahar IIBB.
Qayd etilishicha, Shayxontohur tumani IIO FMBdan kelib tushgan xabarga ko‘ra, 6-dekabr kuni taxminan soat 15:25 da noma’lum shaxs masjidda bo‘la turib 38 yoshli Rahmatullaxo‘ja A.ga tegishli bo‘lgan kurtka cho‘ntagidan 5 400 AQSh dollarini o‘g‘irlab ketgan.
Mazkur fakt asosida Jinoyat kodeksining 169-moddasi 2-qismi (o‘g‘rilik) bo‘yicha jinoiy ish qo‘zg‘atildi.
Ko‘rilgan choralar natijasida gumonlanuvchi – muqaddam sudlangan 36 yoshli Otabek N. qo‘lga olindi. Tergov davom etmoqda.
Avvalroq Oloy bozoridagi do‘kondan 50 mln so‘mlik zargarlik buyumlarini o‘g‘irlagan yigitlar, Bekobodda 7,5 mln so‘mlik poliz ekinlarini o‘g‘irlagan shaxslar hamda Navoiyda mahalladoshlarining chorva mollarini o‘g‘irlagan uch tadbirkor qo‘lga olingani haqida xabar berilgandi.
Izoh (0)