“Turon” futbol klubi Fozil Musayevni o‘z safiga qo‘shib oldi. Bu haqda yaypanliklar matbuot xizmati ma’lum qildi.
32 yoshli yarim himoyachi erkin agent maqomida “Turon”ga kelib qo‘shildi.
Musayev 2017-yildan buyon Yaponiyaning “Jubilo Ivata” klubida to‘p surib kelayotgandi. Shuningdek, u avvalroq “Mash’al”, “Nasaf”, “Bunyodkor”, “Lokomotiv”, “Al-Muayzir” (Qatar) va “Sepaxon” (Eron) klublarida to‘p tepgan.
Eslatib o‘tamiz, “Turon” 2020-yilgi mavsum yakunlariga ko‘ra Pro-Liga chempionligini qo‘lga kiritib, Superliga yo‘llanmasiga ega chiqqandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)