Futbol bo‘yicha Ispaniya Kubogining 1/16 finalida “Real” 20-yanvar, chorshanba kuni “Alkoyano” mehmoni bo‘ldi.
Birinchi bo‘limning so‘nggi daqiqasida Eder Militao madridliklarni oldinga olib chiqdi. Ikkinchi bo‘lim yakunlanishi arafasida maydon egalari muvozanatni tiklashga erishdi.
Asosiy vaqtda g‘olib nomi aniqlanmagach, qo‘shimcha bo‘limlarga murojaat qilindi. 110-daqiqada “Alkoyano” futbolchisi Ramon Lopes ikkinchi sariq kartochkasini olib, maydondan chetlatildi. Biroq oradan besh daqiqa o‘tib maydon egalari qarshi hujumni gol bilan yakunladi. Qolgan vaqtda Zinedin Zidan shogirdlari vaziyatni o‘nglay olmadi.
Shu tariqa “Real” uchinchi divizion jamoasiga yengilgan holda kubokni tark etdi.
Ispaniya Kubogi
1/16 final
20-yanvar, chorshanba
“Alkoyano” — “Real Madrid” 2:1
Gollar: 0:1 – 45 Militao, 1:1 – 80 Solbes, 2:1 – 115 Juanan.“Alkoyano”: Figeras, Xuanan, Karbonell (Molto, 60), Anxel Lopes, Rubio (Ramon Lopes, 72), Ferris, Ral, Niges (Diakite, 78), Sanches (Serda, 60), Murad (Anton, 105), Mexiya (Solbes, 60).
“Real Madrid”: Lunin, Marselo, Odriosola (Azar, 98), Viktor Chust, Militao, Isko (Kroos, 98), Kazemiro, Vaskes, Valverde, Vinisius Junior (Asensio, 90), Mariano Dias (Benzema, 67).
Ogohlantirishlar: Sanches (32), Xuanan (34), Mariano Dias (58), Odriosola (78), Ferris (90), Ramon Lopes (103), Lunin (116).
Chetlatish: Ramon Lopes (110).
“Kordoba” — “Real Sosyedad” 0:2
Gollar: 0:1 – 57 Villian Joze, 0:2 – 84 Villian Joze.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)