UFC. Maykl Kyeza Nil Magnini mag‘lub etdi, Umar Nurmagomedovning debyuti muvaffaqiyatli chiqdi, Zarruh Adashev esa yana yutqazdi

Abu-Dabidagi (BAA) “Jangchilar oroli”da 20-yanvar, chorshanba kuni UFC Fight Island 8 musobaqasi bo‘lib o‘tdi.

Musobaqaning asosiy jangi Maykl Kyeza va Nil Magni o‘rtasida kechdi. Unda Kyeza hakamlar qaroriga ko‘ra g‘olib deb topildi.

Mazkur musobaqada o‘zbekistonlik yakkakurashchi Zarruh Adashev (3-3) promoshendagi ikkinchi jangini o‘tkazdi va unda xitoylik Su Mudaerjiga (14-4) yutqazib qo‘ydi.

UFC’da debyut qilgan Umar Nurmagomedov esa ikkinchi raundda bo‘g‘ish usulini qo‘llab, qozog‘istonlik Sergey Morozovni taslim etdi.

UFC Fight Island 8 musobaqasi janglarini bu yerda ko‘rish mumkin — VIDEO.

Asosiy kard natijalari bilan tanishing:

• Maykl Kyeza (18-4) ochkolar hisobga Nil Magnidan (24-8) ustun keldi;
• Vorli Alves (14-4) birinchi raunddagi texnik nokaut evaziga Munir Lassesni (10-2) yengdi;
• Ike Villanueva (18-11) ikkinchi raundda Vinisius Moreyrani (9-5) nokautga uchratdi;
• Viviane Arauju (10-2) ochkolar hisobiga Roksanna Modafferini (25-18) mag‘lub etdi;
• Mett Shnell (15-5) hakamlar qaroriga ko‘ra Tayson Nemdan (20-12-1) ustun keldi;
• Leron Myorfi (10-0) ochkolar hisobiga Duglas Silva di Andradidan (23-4) ustun keldi;
• Omari Ahmedov (20-4-1) ikkinchi raundda bo‘g‘ish usulini qo‘llab Tom Brizni (12-3) dog‘da qoldirdi.