Futbol bo‘yicha Angliya Premyer Ligasi doirasidagi ikki o‘yin 20-yanvar, chorshanba kuni bo‘lib o‘tdi.
“Manchester Siti” 1-turning qoldirilgan uchrashuvi doirasida “Aston Villa”ni qabul qildi. Uchrashuvdagi ilk gol 79-daqiqada Bernardu Silva tomonidan urildi. Asosiy vaqtning so‘nggi daqiqasida Ilkay Gundo‘g‘an “shaharliklar”ning ikkinchi golini urdi.
“Manchester Yunayted” esa 18-tur doirasida “Fulhem” bilan bahs yuritdi. Dastlab mezbonlar 5-daqiqadagi tezkor gol evaziga oldinga o‘tib oldi. Bunga manchesterliklar Edinson Kavani va Pol Pogbaning gollari bilan javob qaytardi.
Shu tariqa Ole-Gunnar Sulsher shogirdlari 40 ochko bilan musobaqa peshqadami bo‘lib turibdi. Bitta zaxira o‘yiniga ega “Manchester Siti” esa 38 ochko bilan ikkinchi o‘rinda bormoqda.
APL
20-yanvar, chorshanba
1-tur
“Manchester Siti” — “Aston Villa” 2:0
Gollar: 1:0 – 79 Bernardu Silva, 2:0 – 90, penalti Gundo‘g‘an.“Manchester Siti”: Ederson, Uoker (Zinchenko, 28), Joau Kanselu, Ruben Diash, Stounz, Foden, de Bryuyne (Gabriel Jezus, 59), Bernardu Silva, Gundo‘g‘an, Sterling (Mahrez, 72), Rodri.
“Aston Villa”: Martines, Mingz, Konsa, Targett (Teylor, 75), Kesh, Barkli (Remzi, 68), Duglas Luis, Grilish, Makginn, Traore (al-G‘ozi, 68), Uotkins.
Ogohlantirishlar: Makginn (67), Teylor (86).
18-tur
“Fulhem” — “Manchester Yunayted” 1:2
Gollar: 1:0 – 5 Lukman, 1:1 – 21 Kavani, 1:2 – 65 Pogba.“Fulhem”: Areolya, Brayen, Andersen, Ayna (Mitrovich, 83), Tete, Loftus-Chik, Zambo-Angissa (Lemina, 79), Lukman, Rid, Kavaleyru (Kamara, 71), Adarabioyo.
“Manchester Yunayted”: De Xea, Shou, Uan-Bissaka, Bayi, Maguayr, Brunu Fernandesh (Matich, 90), Fred, Pogba, Kavani, Grinvud (Reshford, 85), Marsyal (Maktominey, 85).
Ogohlantirishlar: Pogba (10), Zambo-Angissa (12), Brayen (62), Ayna (69).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)