Ikki vazn toifasida UFC sobiq chempioni Konor Makgregor (22-4) promoushen yengil divizioni yetakchisi Habib Nurmagomedov (29-0) haqida fikr bildirdi.
Habibning yaqinda bergan bayonoti menga “yo‘q” degandek eshitildi. U men bilan jang qilishni xohlamayapti, bunga ishonchim komil.Meni yengil diviziondagi holat qoniqtirmoqda va Habibga qarshi revansh jangi o‘tkazish masalasiga yopishib olmayman, garchi buni istayotgan bo‘lsam-da. Atrofda kuchli janglar ko‘p va quruq kutib o‘tirish bilan band bo‘lmoqchi emasman.
Agar Habib bilan muzokaralarda qandaydir noaniqlik bo‘lsa, agar ular masalani yana yil oxirigacha cho‘zmoqchi bo‘lsa, mening qiziqishim yo‘qoladi, sabab faol bo‘lishni va raqobat qilishni istayman.
Men jang qiladigan kardning ikkinchi asosiy jangida Maykl Chendler va Den Huker bellashadi. Neyt Dias yengil vaznga qaytmoqchiligini aytyapti, bizda Charlz Oliveyra va Jastin Getji bor. Habibga yana jang qilish uchun jasorat yetishiga shubham bor. Sababi uning ko‘z oldida bu masalada noxush misol ro‘y bergan: uning do‘sti va jamoadoshi Daniel Kormye Stipe Miochichni yengdi va revanshda ishtirok etishni xohlamadi, keyinchalik rozi bo‘lganda esa ikki bor yutqazdi.
Bunday qarorga kelish uchun jasorat kerak, bu esa Habibda yo‘q. U ruhiy tomondan singanini his qilyapman, shu tufayli uni ta’qib qilmoqchi emasman. Men raqobatga tayyorman: hammasini navbatga qo‘ying!”.
Konor Makgregor, UFC jangchisi
Mavzuga doir:
Eslatib o‘tamiz, Konor 2018-yilning oktabrida Nurmagomedovga qarshi jang qilgandi. Unda rossiyalik jangchi to‘rtinchi raundda bo‘g‘ish usulini qo‘llab, raqibini taslim etgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)