Икки вазн тоифасида UFC собиқ чемпиони Конор Макгрегор (22-4) промоушен енгил дивизиони етакчиси Ҳабиб Нурмагомедов (29-0) ҳақида фикр билдирди.
Ҳабибнинг яқинда берган баёноти менга «йўқ» дегандек эшитилди. У мен билан жанг қилишни хоҳламаяпти, бунга ишончим комил.Мени енгил дивизиондаги ҳолат қониқтирмоқда ва Ҳабибга қарши реванш жанги ўтказиш масаласига ёпишиб олмайман, гарчи буни истаётган бўлсам-да. Атрофда кучли жанглар кўп ва қуруқ кутиб ўтириш билан банд бўлмоқчи эмасман.
Агар Ҳабиб билан музокараларда қандайдир ноаниқлик бўлса, агар улар масалани яна йил охиригача чўзмоқчи бўлса, менинг қизиқишим йўқолади, сабаб фаол бўлишни ва рақобат қилишни истайман.
Мен жанг қиладиган карднинг иккинчи асосий жангида Майкл Чендлер ва Ден Ҳукер беллашади. Нейт Диас енгил вазнга қайтмоқчилигини айтяпти, бизда Чарльз Оливейра ва Жастин Гэтжи бор. Ҳабибга яна жанг қилиш учун жасорат етишига шубҳам бор. Сабаби унинг кўз олдида бу масалада нохуш мисол рўй берган: унинг дўсти ва жамоадоши Даниэль Кормье Стипе Миочични енгди ва реваншда иштирок этишни хоҳламади, кейинчалик рози бўлганда эса икки бор ютқазди.
Бундай қарорга келиш учун жасорат керак, бу эса Ҳабибда йўқ. У руҳий томондан синганини ҳис қиляпман, шу туфайли уни таъқиб қилмоқчи эмасман. Мен рақобатга тайёрман: ҳаммасини навбатга қўйинг!».
Конор Макгрегор, UFC жангчиси
Мавзуга доир:
Эслатиб ўтамиз, Конор 2018 йилнинг октябрида Нурмагомедовга қарши жанг қилганди. Унда россиялик жангчи тўртинчи раундда бўғиш усулини қўллаб, рақибини таслим этганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)