AQSh Senati prezident Jo Bayden tomonidan AQSh Milliy razvedkasi direktori lavozimi uchun taklif qilingan Avril Xeyns nomzodini qo‘llab-quvvatladi, deb xabar beradi “Interfaks”.
Ovoz berish yakunlariga ko‘ra, 84 senator Xeynsning nomzodini yoqlab ovoz bergan, 10 nafari esa qarshi chiqqan.
Xeyns Milliy razvedka direktori lavozimini egallagan birinchi ayol kishiga aylanadi.
Bungacha u milliy xavfsizlik sohasida bir nechta lavozimlarda ishlagan. Xususan, 2015-yildan 2017-yilgacha Markaziy razvedka boshqarmasi direktori o‘rinbosari bo‘lgan.
Senatdagi tasdiqlash bo‘yicha eshituvlar chog‘ida u razvedka hamjamiyatini siyosatdan uzoq tutishga va’da berdi.
“Foyda keltirish uchun Milliy razvedka direktori hukumatga haqiqatni gapirishdan hech qachon og‘ishmasligi kerak — ayniqsa, bu noqulay yoki qiyin bo‘ladigan vaziyatlarda”, — dedi Xeyns.
Mavzuga doir:
- AQShning 46-prezidenti Jo Baydenning inauguratsiyasi qanday o‘tdi va nega u uchun ikkinchi “yadro chamadonchasi” tayyorlandi? Asosiy ma’lumotlar
- Jo Bayden AQSh prezidenti sifatida qasamyod qildi
- Bayden inauguratsiyadan so‘ng darhol AQShni JSST a’zoligiga qaytarishga va Meksika bilan chegarada devor qurilishini to‘xtatishga va’da berdi
Izoh (0)