АҚШ Сенати президент Жо Байден томонидан АҚШ Миллий разведкаси директори лавозими учун таклиф қилинган Аврил Хейнс номзодини қўллаб-қувватлади, деб хабар беради «Интерфакс».
Овоз бериш якунларига кўра, 84 сенатор Хейнснинг номзодини ёқлаб овоз берган, 10 нафари эса қарши чиққан.
Хейнс Миллий разведка директори лавозимини эгаллаган биринчи аёл кишига айланади.
Бунгача у миллий хавфсизлик соҳасида бир нечта лавозимларда ишлаган. Хусусан, 2015 йилдан 2017 йилгача Марказий разведка бошқармаси директори ўринбосари бўлган.
Сенатдаги тасдиқлаш бўйича эшитувлар чоғида у разведка ҳамжамиятини сиёсатдан узоқ тутишга ваъда берди.
«Фойда келтириш учун Миллий разведка директори ҳукуматга ҳақиқатни гапиришдан ҳеч қачон оғишмаслиги керак — айниқса, бу ноқулай ёки қийин бўладиган вазиятларда», — деди Хейнс.
Мавзуга доир:
- АҚШнинг 46-президенти Жо Байденнинг инаугурацияси қандай ўтди ва нега у учун иккинчи «ядро чамадончаси» тайёрланди? Асосий маълумотлар
- Жо Байден АҚШ президенти сифатида қасамёд қилди
- Байден инаугурациядан сўнг дарҳол АҚШни ЖССТ аъзолигига қайтаришга ва Мексика билан чегарада девор қурилишини тўхтатишга ваъда берди
Изоҳ (0)