Tokiodagi oliy ta’lim muassasalaridan birining 49 yoshli abituriyenti burnini niqob bilan berkitmagani uchun imtihondan chetlashtirildi, deb xabar beradi Esquire.
Yaponiyadagi universitetlarga o‘qishga topshirish bo‘yicha Milliy markaz tomonidan tasdiqlangan nizomga ko‘ra, koronavirus pandemiyasi sabab barcha fuqarolar niqobda bo‘lishi kerak. Ingliz tili bo‘yicha imtihon tashkilotchilarining olti marotaba ogohlantirishiga qaramay, abituriyent niqob taqmagan.
Shundan so‘ng erkak uch soatga hojatxonaga qamalib olgan. Politsiyaning ma’lum qilishicha, abituriyent tashqariga chiqish borasidagi buyruqqa bo‘ysunmagan va politsiyachilar kabina devoridan oshib o‘tishga majbur bo‘lgan.
Yaponiyada imthonlarni niqobsiz ham topshirsa bo‘ladi — alohida auditoriyada. Buning uchun abituriyent imtihonga qadar yuziga niqob taqmasligiga oid sababni ko‘rsatishi kerak (masalan, tibbiy sabab). O‘tgan dam olish kunlari Yaponiyadagi 681 ta o‘quv muassasasiga jami 535 mingdan ortiq abituriyent imtihon topshirgan.
Izoh (0)