Braziliyaning JiJoka-di-Jerikuakuara shahrida yashovchi Talula 2 yosh qiziga g‘ayrioddiy ko‘rinishidan uyalmaslikni o‘rgatishga qaror qildi. Bu haqda Daily Mail xabar bermoqda.
43 yoshli Talula Yuzef Aziz Vieyraning qizi tug‘ilganida ikki xil rangli sochda edi. Chaqaloq boshining katta qismini qoplagan qora sochlari orasida sezilarli darajada oqish tolalar ham bor.
Buning sababi piebaldizm yoki qisman albinizm bo‘lib, melanin pigmentini ishlab chiqaradigan teri hujayralarining yetishmasligi bilan bog‘liq noyob irsiy xususiyatdir. Piebaldizm esa qizning onasi, buvisi, xolasi va amakivachchalarida ham mavjud.
Chaqaloqning onasi ham yoshligidan bir tutam oq soch tolasidan uyalgan, ammo 20 yoshida ularni berkitishni to‘xtatgan. “Men ularni qora sochlarim orasiga yashirib, kimdir buni sezib qolishidan qo‘rqar edim”, − deydi Talula.
Endi esa u farzandi o‘z sochi bilan faxrlanishini xohlaydi. “Odamlar o‘z shaxsiyatini berkitishi juda ham achinarli, − deydi u. − Go‘zal bo‘lish uchun hamma bir xil bo‘lishi shart emas”.
Izoh (0)