Токиодаги олий таълим муассасаларидан бирининг 49 ёшли абитуриенти бурнини ниқоб билан беркитмагани учун имтиҳондан четлаштирилди, деб хабар беради Esquire.
Япониядаги университетларга ўқишга топшириш бўйича Миллий марказ томонидан тасдиқланган низомга кўра, коронавирус пандемияси сабаб барча фуқаролар ниқобда бўлиши керак. Инглиз тили бўйича имтиҳон ташкилотчиларининг олти маротаба огоҳлантиришига қарамай, абитуриент ниқоб тақмаган.
Шундан сўнг эркак уч соатга ҳожатхонага қамалиб олган. Полициянинг маълум қилишича, абитуриент ташқарига чиқиш борасидаги буйруққа бўйсунмаган ва полициячилар кабина деворидан ошиб ўтишга мажбур бўлган.
Японияда имтҳонларни ниқобсиз ҳам топширса бўлади — алоҳида аудиторияда. Бунинг учун абитуриент имтиҳонга қадар юзига ниқоб тақмаслигига оид сабабни кўрсатиши керак (масалан, тиббий сабаб). Ўтган дам олиш кунлари Япониядаги 681 та ўқув муассасасига жами 535 мингдан ортиқ абитуриент имтиҳон топширган.
Изоҳ (0)