Nogironlar aravachasiga mixlangan gonkonglik sobiq alpinist Lay Chi-vay umurtqasida jarohati bor insonlarni qo‘llab-quvvatlash maqsadida arqon yordamida osmono‘par binoga ko‘tarildi, deb xabar beradi Esquire.
37 yoshli sportchi 250 metr balandlikka 10 soatdan ortiq vaqt davomida ko‘tarilgan, bino tomiga 50 metr qolganida xavfsizlik nuqtai nazaridan uning harakati to‘xtatilgan. Gonkonglik erkak ushbu xayriya aksiyasi davomida 5,2 million Gonkong dollari (670 ming AQSh dollar) to‘plashga muvaffaq bo‘lgan.
Lay Chi-vay juda ham qo‘rqqanini tan olgan, chunki arqon u ishonishi mumkin bo‘lgan yagona vosita edi. Sobiq alpinistning aytishicha, mazkur aksiya orqali u muhtojlarga nafaqat yordam berishni, balki imkoniyati cheklangan odamlarning hissiyotlariga e’tibor qaratishni xohlagan. Uning fikricha, bu kabi odamlarga rahm-shafqat kerak emas — ularga namuna bo‘ladigan inson va umid kerak.
Lai Chi-wai lost the use of both legs in a traffic accident but the former rock climbing champion is still reaching for the top. pic.twitter.com/ASAcCGk4me
— South China Morning Post (@SCMPNews) January 17, 2021
“Qaysidir ma’noda nogironligimni unutdim, men hamon o‘zimga yoqqan narsani orzu qila olaman va uni bajarishim mumkin”, — deydi Lay Chi-vay.
Lay qoyaga chiqish bo‘yicha to‘rt karra Osiyo chempioni, bir safar u jahon reytingida sakkizinchi o‘rinni ham egallagan. Biroq 2011-yilda u YTHga uchrab, nogironlar aravachasiga mixlangan. Shunga qaramay, sportchi tushkunlikka tushmagan va oradan biroz vaqt o‘tgach maxsus arqonlar tizimi yordamida qoyalarga chiqishni davom ettirgan. Bundan 5 yil oldin Lay Chi-vay 495 metr balandlikka ega toqqa chiqan edi.
Izoh (0)