TikTok’da 420Doggface208 niki ostida tanilgan aydaxolik Natan Apodaka AQSh prezidenti Jo Baydenning inauguratsiya marosimining bir qismiga aylanadigan “onlayn-paradda” chiqish qiladi, deb yozadi Esquire.
TMZ ma’lumotlariga ko‘ra, Baydenning jamoasi mashhurligiga qaramay Apodaka juda kamtar ekanidan hayratga tushgan va unga inauguratsiyaning onlayn qismida skeytbordda chiqish qilish taklifini bildirgan. Ta’kidlanishicha, Apodaka bunga rozi bo‘lgan va o‘zining yangi roligini tayyorlagan.
Inauguratsiya bo‘yicha qo‘mitaning ma’lum qilishicha, 20-yanvar kuni virtual “Amerika bo‘ylab parad” (Parade Across America) o‘tkazilib, unda mamlakatning barcha shtatlaridan bo‘lgan vakillar chiqish qiladi. Tadbir televideniye orqali translyatsiya qilinadi.
Tadbirda AQSh madhiyasini Ledi Gaga kuylaydi. Shuningdek, Jennifer Lopes, Jastin Timberleyk va boshqa ko‘plab artistlar chiqish qiladi.
37 yoshli Natan Apodaka o‘tgan yilning 25-sentabrida mashhurlikka erishgan. O‘sha kuni u 20 yildan buyon ishlab kelayotgan kartoshka omboriga otlangan. Biroq yo‘lda mashinasi buzilib qolgan va u longbordi va Ocean Spray sharbatini olib, Fleetwood Mac rok guruhining Dreams qo‘shig‘i ostida video yozgan.
https://www.instagram.com/p/CFkxv93JvR5/?utm_source=ig_embed
Rolik katta mashhurlikka erishgan, teleboshlovchi Jimmi Fellon, qo‘shiqchi Shakira va Ocean Spray bosh direktori videoning o‘z versiyalarini ham olgan. Klyukva sharbatini ishlab chiqaruvchi kompaniya amerikalikka yangi pikap sovg‘a qilgan, Apokada esa brendning yuziga aylangan.
Izoh (0)