Italiya A Seriyasining 18-turida “Jenoa” 17-yanvar, yakshanba kuni “Atalanta” maydoniga safar qildi.
Uchrashuvning birinchi bo‘limi teng kurashlar ostida o‘tdi. Asosiy tarkibda maydonga tushgan Eldor Shomurodovda ikkita golga tortadigan vaziyat bo‘ldi, o‘zbekistonlik futbolchining zarbalaridan biri noaniq chiqqan bo‘lsa, yana bittasini darvozabon qaytarishga erishdi.
Ikkinchi bo‘limda bergamoliklar faollikni oshirdi, biroq genuyaliklar darvozasi tomon yo‘l topa olmadi. Shu tariqa hisob o‘yin so‘ngiga qadar ochilmadi. Eldor Shomurodov mazkur bahsda maydonda to‘liq harakat qildi.
“Jenoa” ochkolarini 15 taga yetkazib olgan holda 16-o‘ringa ko‘tarildi. “Atalanta” (32) 6-pog‘onada qoldi.
Genuya jamoasi keyingi turda “Kalyari” bilan o‘ynaydi, “Atalanta” jamoasi “Milan” maydoniga safar qiladi.
A Seriya
18-tur bahslari
17-yanvar, yakshanba
“Atalanta” — “Jenoa” 0:0
“Atalanta”: Gollini, Gozens, Toloi, Gimshiti, Xatebur (Mele, 88), Ilichich (Lammers, 88), Froyler, Malinovskiy (Miranchuk, 66), de Ron, Palomino, Sapata (Muriel, 57).“Jenoa”: Perin, Zappakosta (Ongene, 80), Krishito, Masyello (Goldaniga, 56), Chiborra, Badel, Radovanovich, Strotman (Behrami, 56), Zays (Lerager, 46), Pyatsa (Pandev, 68), Shomurodov.
Ogohlantirishlar: Goldaniga (72), Zappakosta (74), Gozens (83).
“Sassuolo” — “Parma” 1:1
Gollar: 0:1 – 37 Kutska, 1:1 – 90, penalti Jurichich.“Krotone” — “Benevento” 4:1
Gollar: 1:0 – 4, avtogol Glik, 2:0 – 29 Nvankvo, 3:0 – 54 Nvankvo, 4:0 – 65 Vulich, 4:1 – 82 Yago Falke.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)